10

قزاقستان طیارہ حادثہ: آلماتی سے نور سلطان جانے والی پرواز حادثے کا شکار، 12 افراد ہلاک، 60 زخمی

وسطی ایشیا کے ملک قزاقستان میں جمعہ کی صبح ایک مسافر طیارے کو حادثہ پیش آیا ہے جس میں اب تک 12 افراد کی ہلاکت کی تصدیق ہو چکی ہے۔

ایئر پورٹ حکام کے مطابق قزاقستان کی فضائی کمپنی بیک ایئر کا ایک مسافر طیارہ آلماتی کے ہوائے اڈے سے پرواز کرنے کے تھوڑی ہی دیر بعد زمین پر آ گرا۔

طیارے میں 93 مسافر اور عملے کے پانچ اہلکار سوار تھے اور اس کی منزل قزاقستان کا دارالحکومت نور سلطان تھی۔

آٹھ بچوں سمیت کم از کم 60 زخمی افراد کو مقامی ہسپتالوں میں لے جایا گیا۔

قزاقستان کی وزارتِ داخلہ کے مطابق ہلاک ہونے والوں میں چھ بچے بھی شامل ہیں۔ اس سے قبل سرکاری طور پر جاری کی جانے والی فہرست میں 16 افراد کا ذکر کیا گیا لیکن ایک تازہ لسٹ کے مطابق ہلاک ہونے والوں کی تعداد 12 ہے۔

اس خبر پر اپنی رائے کا اظہار کریں

اپنا تبصرہ بھیجیں